Blog Khusus Untuk Masyarakat Kab.Madina

Maju bersama untuk Kab.Madina

Sulat ni bele-bele tu turangna

Posted by kabmadina on October 11, 2008

tu adopan ni tulang, anggi ni da inang.
di metro (/kosmo) politan na dao.

tulang, ditopotkon surat on, hami doahon sai sehat ma nian kondisi
ni halak tulang dohot nattulang akka sude anggi niba na di bagasan
bagas na mora on, nakkon pola sak roha ni tulang, namarpupu do hami
doahon anso totop songoni kondisi ni halak tulang sakeluarga harupe
mungkin inda jungada tarlittas di roha ni tulang kondisi ni hami,
songoni muse nondisi ni da inang di huta. nakkon pola sangat heranna
tulang biasi hami bisa totop mandoahon halak tulang harupe inda
jungada didoahon bahkan inda jungada tarlittas di roha ni tulang
kondisi ni hami di kappung-kappung/huta on, harana doa ni hami i
tulus/ikhlas do tulang, onma model doa ni dainang nadiajari nia tu
hami habis mambaca surotul waki’ah di sela-sela hapogosan na hampir
inda tartaotkon. on ma model doa ni dainang naso mangharop [doa]
balasan, harana inda masuk di akal ni hami parkappung-kappung
(parhuta-huta) on tulang anggo suatu amal bisa didokkon ikhlas
sementara leng mangharopkon amal balasan. napade nadiajari ni
dainang i, ima na hami karejohon tanpa mangharop balasan. anggo
madung mago ajaran nasongononan sian tulang sehingga makana tulang
sannari “gila” hormat harana tulang madung merasa menghormati
halak, “gila” simpati harani tulang merasa madung marsimpati tu
halak, mulak ma tulang tu huta ni hita on, anso diulaki dainang
mangajari tulang songon najoloan sewaktu tulang dohot hami di bagas
ni hita nasuada on untuk mangurangi boban ni oppung nalobi suada
kondisina di huta naundao. mungkin sipat mangharap imbalan namadung
masuk tu bawah sadar ni tulang i adalah pengaruh ni metro/kosmo
politan na materialistis, sehingga bahkan simpati dan kepercayaan pe
dimaterialkon (dibarter-barter/dipertukarkon) dan ada harganya
hingga mengikuti hukum pasar sempurna ni adam smith: simpati[k]ku
harganya minimal sebesar simpati[k]mu, harga kepercayaanku minimal
sebesar kepercayaanmu; dan simpatik maupun kepercayaan on porlu
dipasarkon, diiklankon, dan dikoar-koarkon di pasar-pasar, anso
laku: simpatikku/kepercayaanku lebih berkualitas daripada
kepercayaan ni bayo i, dengan simpatikku/kepercayaanku hamu
namanabusinaon (mambayar dohot simpatik/kepercayaan munu) akan bisa
lebih banyak berbuat dan mencapai keinginan munu daripada
simpatik/kepercayaan ni bayo an. oo…tulang, dengan toruk ni roha,
husarankon mulak ma tulang tu huta ni hita on. saporlu ni tulang,
hirup lah udara ni huta na belum tercemar sipat materialistis on…

tulang, na sadari, lewat koran harian nadikirimkon ni dongan (naso
mangharop ucapan tarimokasihku) sian urban (metro/kosmo politan),
hubaca tulisan/kolom ni tulang. aaah… tulang, namalo mada tulang
sannari ateh? madung bisa manorangkon dalihan natolu, makkobar
sattabi noli sappulu, sappulu noli sattabi. anggo au da tulang,
hurang dope pohom na au naditulis ni tulang i. anggo hum nabinege
sajo do, ma rupo mada jegesna dalihan natolu ni tulang i, sattabi-
sattabi ni tulang i. tai leng sapa-sapa do di rohakku, sian dia do
dapot tulang istilah-istilah i? sepanjang nahubege, di kappung/huta
ni dainang on, jarang do dibahas-dibahas halak huta on i. di son
halak sibuk memeras keringat jadi kuli/babu ni saba ni halak namora-
mora. inda pola sadia da gaji ni kuli on, tai sukur juo ma leng
martimus (berasap) dope tataring ni bagas ni hita on dibaenna, dungi
leng bisa dope dipado-padohon mambayar uang sikola ni anggi dan satu-
dua buku na paling potting. di tengah hapogosan dan kemandirian
nasongoninan, hurang do dibahas-bahas halak mengenai marga on,
kahanggi on, anakboru, mora, suhut, dll. hidup di huta on begitu
ketat dan keras, halak naikhlas namambantu hami melangsungkon hidup
on ima kahanggi ni hami, mora ni hami, sekaligus anakboru ni hami
tanpa mengenal marga dan asal ni huta. halahi mambantu hami bukan
karena tuntutan marga maupun peranan/fungsi ni dalihan natolu atau
bahkan mangharop bantuan balasan ni hami, melainkan karena
keikhlasan dan kerendah-hatian – nurani ni manusia.

oh, mahuingot tulang, jungada mada hubege “sattabi sappulu, sapplulu
noli au marsattabi”, hubege nasongonan di horja ni namora di huta
on, na dainang i kuli ni sabana. di si juo ma jungada huida indahan
tukkus napake sanggar-sanggar i. namakkobar halak sian jae tu julu
sampe tinggal sumbayang kotu zuhur dohot ashar haranni lolotna.
torus torang ma tulang, songon gabus/bukkak dohot basa-basi do
hampir sude nahubege nadipardokkoni ni halak i. bia mahe attong,
realitana nanggo nasongoni be sonnari on. dihobaran ma pade-pade
boru on le, mora/harga/hormat dibaen, padahal boru on pe sabotulna
natarpaksa do dikawinkon alias madung “mangandung” harani
kebiasaan “nagalak” di huta on. fantasi-fantasi ni halahi nadibayari
untuk makkobar i sojo do i anso leng “horja” ma tarida horja on boh.
halai le namora. anggo songon bere ni tulang do, boru ni dainang
siakkaan, jangankan mau horja-horjaan, makkobar-kobar, marindahan
tukkus, adong sajo pe “namanyapaina” madung sukur tulang, markurang
tanggungan ni dainang saotikan.

ah, sabotulna alang do rohakku maccaritohon on tu tulang, namomoan
dabo tulang tarsinggung harani mungkin inda sasuai carito
nasongononan tu “dalihan natolu” na adong di pikiran ni tulang.
didokkon tulang ma au naron napabilak-bilakkon, yg ingin beda
sendiri. aaah… tulang… di tengah hidup yg keras dan ketat songon
di huta ni hami on, hurang do lakuna kata-kata yg mendayu-dayu dan
penuh dengan “pembenaran-pembenaran”. inda tartutupi kata-kata
nasongoninan keketatan dan kekerasan kondisi hidup di son, ma lupa
he tulang sude najoloan i? bahwa “berbeda” (baca: skeptis nan
kritis) diporluon untuk mandapotkon “kebenaran” yg lebih, dan
skeptis on inda mamandang bulu, makana mungkin tulang heran halak na
skeptis on inda mang-olo-on sada-sada halak/kelompok, bahkan malah
manga-ragu-on sude-sude halak. dan pursaya au bahwa sikap skeptis on
akan lebih cepat mencapai tujuannya (mendapatkan “kebenaran” yg
lebih) di ruang publik/terbuka (inda pribadi tu pribadi), anso
masing-masing halak dapot perbaikan/pencerahan sian halak-halak
(jamak) nalain. anggo i ma napabilak-bilakkon i manurut tulang, boto
tulang ma: au memang halak napabilak-bilakkon, dan biarlah alam ini
yg menyeleksi dan manontuon ise napabilak-bilakkon dalam arti
skeptis/kritis dan ise napabilak-bilakkon dalam arti omong kosong yg
penuh pembenaran-pembenaran supaya hidup ini kelihatan “oke-oke”
saja (minimal se-oke yg dibayangkan oleh orang napabilak-bilakkon
tadi). au pe nanggo huboto da sanga “napabilak-bilakkon” na di dia
au termasuk di antara nadua kelompok i, harana nahudokkonon pe juga
pasti termasuk “pembenaran” di au. makana biarlah alam yg
menyeleksi, dan sambil mandoa anso dao hita sian kelompok “napabilak-
bilakkon” napadua on (yg kedua).

oh sada nai tahe, anso diboto tulang, leng nahusiram dope tiop
manyogot bunga naditanom ni tulang najoloan saat dainang mulai lemah
haranni ditinggal da amang…

kirim solom di nantulang dohot anggi sasudena.

sattabi. bere ni tulang. di huta na dao, suatu tempat na di si inda
be kaluar RANGKU mudar ni “batak” nai harani “cemaran” mudar ni
mendeling =)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: